ألف يا مرحبا بك والف حـيَّا الله
يا هـناي ورجاي ونبض وجـــداني
جابك الله وجا مِعْكْ السَّعَد كلَّه
تــــوِّي أهــدا ولذّْ النَّــوم يهناني
يا هلا ويسعد الله منك هالطله
صار للملح وارضه بك طعم ثاني
جيت جيه وبل مزنٍ إليا هله
جاء وبلل العروق بماه وأحياني
الشاعر عبدالرزاق الهذيل
.
.
يقول الامير خالد الفيصل
يالي لقيت بنواعس عينك اوطاني
هي ديرتي هي ملاذ القلب هي ربعي
أملي النظر من جمالك يوم تلقاني
و احبس خيالك بعيني حبسي لدمعي
ليا شفتك أعيش في عيونك ازماني
و أخذ من نجومها وأشعل بها شمعي
…
ولاني بندمان على كل ما فات
أخذت من حلو الزمان ورديه
هذي حياتي عشتها كيف ماجات
اخذ من ايامي وارد العطيه
…
وش غيرك يا منوة القلب وأطغاك
على حبيبٍ ما تخيّر بدالك
دنياي ما تصلح بلا شمس دنياك
والليل يوحش لو تغيب هلالك
ما ينقطع ظما الهوى إلا على ماك
ولا يهون حَرّه إلا ظلالك
ولا تشوف العين زينٍ بلياك
ولا يطرب سمعي إلا مجالك
ولا انتفض قلبي من الحب لولاك
ولولاك ما يبدي علي ما بدالك
.
.
كلمّا ضمّت عيوني منك طيف ..
يا بعد كل الطيوف
قلت ما مثلك على الدنيا وصيف ..
لا حشا مالك وصوف
…….
يقول الامير بدر عبد المحسن رحمة الله عليه
انتظرتك .. عمري كله .. وانتي حلم
ومرت الايام والله .. وانتي حلم
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله
اللي باقي .. واللي كان
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي
كل حرفٍ حرك شفاهي بكلمه .. عنك انتي
وكل حبي اللي مضى والحب قسمه .. منك انتي
كانوا الاحباب ظلك .. بعض احساسك ونورك
ما عرفتك يوم كلك .. ياللي في غيابك حضورك
انتظرتك عمري كله .. وانتي حلم
…
التقينا في مدينة وفرقتنا ألف مينا
اغفري ..للريح و ..الموج و ..السفينة
كانت الرحلة حزينة ؛ للأسف!🤍
ياتعب المسافر ..
.
.
سقاني صوتك البارح ..مرار الحزن والترحال
صحيح ان البحر مالح ..ولكن العطش قتال
سألتك يا ظماي ..أمطار
سألتك عن هواي ..أخبار
سألتك كلمتين أعذار .. ولكن ما تعذرتي ..
وحقك لو تكبرتي..
صحيح ان السحاب انتي..
واعشاب الربيع انتي..
وأجمل من على هذا التراب انتي
.
.
.وما دريت إنه ما به
أغلى منك إلا أنت
لو نظرت بعين قلبك شفتني
ما معي مخلوق يستاهل غلاك
يشهد الله إني أحبك
لين ضاقت ضلوعي
أنت والله حبيبي وأنت والله داري
أحبك ذا ترى أول كلامي وآخره كله
أحب فيك الحب يا جامع ثنين
الزين وطبوعاً تكمل حلاتك
.
.
.
الشاعر فهد الشهراني
لا تحسبين الشتاء والبرد يطفي اللهب
الا لياليه حده مثل حد السيوف
ان كان صيفك معلمك السفر و الطرب
انا الشتاء موعد احزاني يجوني ضيوف
كانت تمر الفصول بدون صوت وصخب
ماكنت اميز ملامحها ولا كنت اشوف
اللي عرفته في فصل الصيف نجني عنب
ولا جاء الشتاء ثوبي الابيض ابدله صوف
.
.
الشاعر سعيد بن مانع
" لا تجاملين الناس محدٍ منور
النور نورك و المزايا مزايـاك
إذا ضحكتي كل قلبٍ تعور
وإذا ألتفتي كل عينٍ تمنّاك
يوم إن كلٍ حول خله تسور
لولاك ما شفنا ولا سور لولاك
واللي تباري خطوتك وش تدور
إلا بقايا من حضورك و ممشاك
ما أقول غير الله يعين المصور
جيتي بذاكرته وروّح بذكراك "
….
جداً أحبك وأعشقك جداً بعد
فالوعي أحبك وأعشقك فـ اللاوعي
وإن دمعت عيني بلا سابق وعد
ماراح تستوعب لو انك تدّعي ..!
أنا أدري إنْ عندك عقل يوزن بلد
بس البلد نفسه (ما يوزن مدمعي)
.
.
لاتحسبني عقب فرقاك اغدي
انا ؟ جريح للجفى ماني قتيل
ماحد يموت من المفارق يابعدي
شفني على قيد الحياة اكبر دليل
حفظ الكرامه مثل حفظي لولدي
والله يقدرني على رد الجميل
.
.
.
الشاعر سلطان العليان
أبوي جعل الي خلقنا يخليه
جعله يشوف من الحياه السعاده
هذا والله الي اذا حل طاريه
شيخ يحل المعضلات بركاده
هو تاج راسي يا عساني فلا ابكيه
هو راس مالي في الزمان وحصاده
يستاهلك منصب يفاخر براعيه
حيثك تزيد المرتبه والعماده
.
.
الشاعر سلطان الهاجري
.وإلي هنا علقتها فوق معلاق
وسليت سكين الخيانة يا كافي
وودعتك النُسناس يا ورد الأشواق
كرامتي تحكم علي لا انصرافي
قطفت منك ما تهيّا وما لاق
ورميت باقي ذكرياتك خلافي
لا دمعةٍ راقت ولا خاطرٍ ضاق
ما أقول غير اللي على البال كافي
واليوم في تسعة وتسعين طقاق
قلبي كذا طبعه ليا عاف عافِ!
الامير بدر بن عبدالمحسن
من زعلك طاحت من الليل قمره
خلت طريقي من المواعيد والناس
لو هو انا .. بالله شوفيني مره
وأنا أعتذر للتبر .. للدر للماس
أبعتذر لنجومها في المجره
وللما القراح اللي شربته من الكاس
حبيبتي أرجوك في القلب حسره
كافي زعل اشغلتي الفكر هوجاس
والله لو تدرين ها الحب جمرة
بين الضلوع تشب من حر الأنفاس
غديت طفلٍ ضايع فيه عبره
محدٍ سأل وشفيه ماقال لا باس